უკრაინაში დოკუმენტების გარეშე შეშის შენახვამ შესაძლოა, პირის დაჯარიმება ან სისხლის სამართლებრივი პასუხისმგებლობა გამოიწვიოს. როგორც გამოცემა varta1.com.ua წერს, განმარტებას ადვოკატი აკეთებს.
კერძოდ, დოკუმენტების გარეშე შეშის შენახვისთვის სასჯელი 5-დან 7 წლამდე თავისუფლების აღკვეთაა. ამგვარი სასჯელია გათვალისწინებული კანონით, რომელიც უმაღლესმა რადამ 10 ოქტომბერს მიიღო. ცვლილებები შევიდა უკრაინის ადმინისტრაციულ და სისხლის სამართლის კოდექსებში, 15 ოქტომბერს კი კანონპროექტი ხელმოსაწერად პრეზიდენტს წარედგინა. ამის შესახებ ადვოკატმა ოლექსი კინებასმა „საზოგადოებისთვის“ მიცემულ კომენტარში ისაუბრა.
როგორც კინებასმა განმარტა, კანონის ძალაში შესვლის შემთხვევაში, შესაძლოა სოფლის ბევრი მაცხოვრებელი აღმოჩნდეს დამნაშავე, რომლებსაც გარკვეულ შემთხვევებში ჯარიმა ან სისხლის სამართლის პასუხისმგებლობაც დაემუქრებათ.
ასევე, ადვოკატის თქმით, კანონის ახალი ნორმებით მკაცრდება სასჯელი უკანონო ჭრისა და ხეების დაზიანებისთვის, რაც გარემოს დაცვის სფეროში სამართლებრივი პასუხისმგებლობის გაუმჯობესებად ითვლება.