დონალდ ტრამპმა აშშ-ის საპრეზიდენტო არჩევნებზე ისტორიული გამარჯვება მოიპოვა, განაცხადა დიდი ბრიტანეთის პრემიერ-მინისტრმა კირ სტარმერმა.
„ნება მომეცით, ჩემი გამოსვლა დავიწყო არჩეული პრეზიდენტის, ტრამპისთვის მილოცვით. მან ისტორიული გამარჯვება მოიპოვა. დიდი ბრიტანეთი და შეერთებული შტატები, როგორც უახლოესი მოკავშირეები გააგრძელებენ ერთად მუშაობას, რათა დაიცვან საერთო ღირებულებები თავისუფლებასა და დემოკრატიაში. რამდენიმე კვირის წინ არჩეულ პრეზიდენტ ტრამპთან სადილის დროს მე იმედი გამოვთქვი ვიმუშაო მასთან ერთად“, – თქვა სტარმერმა ბრიტანეთის პარლამენტში გამოსვლის დროს.
აშშ-ში 5 ნოემბერს საპრეზიდენტო არჩევნები გაიმართა. Fox News-ის წინასწარი მონაცემებით, ტრამპმა ამომრჩეველთა კოლეგიის 277 ხმა მიიღო, რაც საკმარისია, რომ ის არჩეულ პრეზიდენტად გამოცხადდეს. მისმა კონკურენტმა „დემოკრატიული“ პარტიიდან კამალა ჰარისმა ამომრჩეველთა კოლეგიის 226 ხმა მიიღო.