„რესპუბლიკური“ პარტია აშშ-ის კონგრესის წარმომადგენელთა პალატაში გამართული არჩევნების შედეგად 214 მანდატს იღებს, თუმცა, სრული გამარჯვებისთვის მას 218 ადგილის მოპოვება სჭირდება. წინასწარ შედეგებს Fox News-ი ავრცელებს.
ამერიკული ტელეარხის ცნობით, 5 ნოემბერს გამართული არჩევნების შედეგად, „დემოკრატიულ“ პარტიას წარმომადგენელთა პალატაში 205 წევრი გაჰყავს.
რაც შეეხება კონგრესის სენატში ჩატარებულ არჩევნებს, იქ „რესპუბლიკელებმა“ უკვე მოიპოვეს უმრავლესობა. მათ ამისთვის 51 მანდატის მოპოვება სჭირდებოდათ, თუმცა წინასწარი მონაცემებით, „რესპუბლიკელებს“ სენატში 53 კანონმდებელი ეყოლებათ, დემოკრატებს კი – 47.
კომენტარები