შეერთებული შტატების სამოქალაქო ავიაციის მარეგულირებელმა ორგანომ ჰაიტის მიმართულებით ყველა ავიარეისი ერთი თვით შეაჩერა. გადაწყვეტილება მას შემდეგ მიიღეს, რაც ამერიკული ავიაკომპანიების ორი თვითმფრინავი ჰაიტის დედაქალაქზე გადაფრენისას ტყვიების სროლის გამო დაზიანდა.
კომპანია „სპირიტ ეარლაინის“ თვითმფრინავს ჰაიტის დედაქალაქში, პორტ-ო-პრენსში დაშვებისას ცეცხლი გაუხსნეს, რის შედეგადაც, ავიაკომპანიის ცნობით, ეკიპაჟის ერთი წევრი მსუბუქად დაიჭრა.
მოგვიანებით, ავიაკომპანია „ჯეტ ბლუმ“განაცხადა, რომ ნიუ-იორკში ფრენის შემდგომი შემოწმებისას ერთ-ერთ თვითმფრინავზე, რომელიც ჰაიტიდან დაბრუნდა, ტყვიით მიყენებული დაზიანება აღმოჩნდა. პორტ-ო-პრენსში ერთი კვირით ავიარეისები ჰაიტის ხელისუფლებამაც შეაჩერა.
კომენტარები