მსახიობ გივი ბერიკაშვილის გარდაცვალებას ვიცე-პრემიერი, ენერგეტიკის მინისტრი კახა კალაძე “ფეისბუქის” საკუთარ გვერდზე ეხმაურება.
ვიცე-პრემიერის განცხადებით, მისი გარდაცვალება დიდი დანაკლისია ქართული თეატრისთვის და კინოსთვის, საზოგადოებისთვის და საქართველოსთვის.
“ყველასთვის საყვარელმა გივი ბერიკაშვილმა დაგვტოვა. მისი გარდაცვალება დიდი დანაკლისია ქართული თეატრისთვის და კინოსთვის, საზოგადოებისთვის, საქართველოსთვის… მისი მხიარული, თბილი საუბარი, ღიმილი, სხარტი, მოსწრებული სიტყვა და ბრძნული დარიგება ყველას გვეხსომება და მოგვენატრება. დიდი ადამიანი და დიდი მსახიობი, დიდი ქართველი გივი ბერიკაშვილი მარადისობას შეუერთდა… ვუსამძიმრემ მის ოჯახს, ახლობლებს, მეგობრებს და მისი პიროვნების, მისი ტალანტის თაყვანისმცემლებს”, – აღნიშნულია ვიცე-პრემიერის განცხადებაში.