გერმანიის „სოციალ-დემოკრატიულმა პარტიამ“ ქვეყნის მოქმედი კანცლერი ოლაფ შოლცი ხელმეორედ წარადგინა მთავრობის მეთაურის პოსტზე. ინფორმაციას DW ავრცელებს.
როგორც გერმანული მედია აღნიშნავს, „სოციალ-დემოკრატიული პარტია“ შოლცის ლიდერობით რიგგარეშე საპარლამენტო არჩევნებში მონაწილეობის მიღებას აპირებს, რომელიც 2025 წლის 23 თებერვალს გაიმართება.
შოლცის დასახელებამდე პარტიაში ორი კვირის განმავლობაში დებატები მიმდინარეობდა. პოლიტიკური გაერთიანების წევრებს არჩევანი შოლცსა და გერმანიის თავდაცვის მინისტრის ბორის პისტორიუსს შორის უნდა გაეკეთებინათ.
გამოკითხვების თანახმად, პისტორიუსი პოპულარობით შოლცს უსწრებდა, თუმცა გერმანიის თავდაცვის მინისტრმა გასულ კვირას თავად განაცხადა, რომ კანცლერის თანამდებობისთვის ბრძოლას არ აპირებს.
კომენტარები