“რაც ვნახეთ ახლა უკრაინის მხრიდან, ფაქტობრივად, შეგვიძლია ჩავუთვალოთ, რომ გადმოუგდეს უკრაინის ხელით თავიანთმა პატრონებმა ეს რაღაც სანქციების პაკეტი, რომელიც ჯერ არ ვიცით, საერთოდ რას ნიშნავს”, – ამის შესახებ “ქართული ოცნების” წევრმა, ირაკლი კირცხალიამ უკრაინის მიერ ბიძინა ივანიშვილის და საქართველოს ხელისუფლების სხვა წარმომადგენლების დასანქცირებასთან დაკავშირებით განაცხადა.
“რა უნდა გაგვიკვირდეს ამ ხელისუფლებისა და ადმინისტრაციისგან. პირველები ვიყავით ჰუმანიტარული ტვირთით დახმარებაზე ჩვენი დები და ძმებისთვის; მე უკრაინელ ხალხზე, ჩვენს დებსა და ძმებზე მაქვს საუბარი და არა – მის ხელისუფლებასა და მის მოქმედ ადმინისტრაციაზე, ვნახეთ – ელჩის გაწვევა რა მიზეზით, მერე ვნახეთ უმაღლესი ორგანოები და პირდაპირი მოწოდებები ომში ჩართვის თაობაზე.
ეს ხომ არანაირი წარმოდგენა და ინტერპრეტირება არ არის, პირდაპირ ეთერში უყურებდა საზოგადოების თითოეული წევრი ამ ყველაფერს. შემდეგ უკრაინიდან ჩვენი ელჩის გამოშვება, რომელიც ისეთ მძიმე მდგომარეობაში იყო, როცა არცერთი ელჩი არ იმყოფებოდა მათ ქვეყანაში, იქ იყო და მიზეზი, რატომ გამოუშვა? – თურმე, სააკაშვილს აწამებს ხელისუფლება. სრული აბსურდი. აი ასეთ ქმედებებთან გვაქვს საქმე, მაგრამ ისინიც მართულები არიან და რაც დაავალეს მათმა პატრონებმა, კიდევ ერთხელ ხაზგასმით და მკაფიოდ, ჩვენი ჯაშუშთა ქსელი ამ მოვლენების შემდეგ, თავიანთივე დაგეგმილი, დესტრუქციული მოვლენების შემდეგ ეხვეწებოდნენ, რომ რაიმე სანქციას და ქმედით ნაბიჯებს ეხვეწებოდნენ თავის პატრონებს, ხოლო ქმედითი ნაბიჯი ვნახეთ – უკრაინის ხელისუფლების ხელით გადმოუგდეს რაღაც თემა, რომელიც კვირიდან კვირამდე ან დღიდან დღემდე ასაზრდოებს ჯაშუშთა გაერთიანებას და ქსელს, რომელიც სამწუხაროდ ჯერ კიდევ ოპერირებს ჩვენს ქვეყანაში ოპოზიციის სახით”, – განაცხადა ირაკლი კირცხალიამ.