“ამათ რომ იწუნებთ, ის გინდათ, ორი გვამი მომიტანეთო, რომ ამბობდა?”

როცა ბოღმა ხარ, არაფერი მოგეწონება, – ამის შესახებ თბილისის ყოფილმა მერმა ნიკო ლეკიშვილმა გაზეთ „ასავალ-დასავალთან” ინტერვიუში განაცხადა.

 „10 წლის შემდეგ ყველაფერი კარგად იქნება. ამათ რომ იწუნებთ, ის გინდათ, ორი გვამი მომიტანეთო, რომ ამბობდა? ყურადღებით გაიაზრეთ თურქეთის ლიდერის რჩევა ევროპაში მცხოვრები თურქების მიმართ: ვინც მანდ ხართ, ბევრი შვილი გააჩინეთო. გგონიათ, ეს იმ თურქებს არ ეხება, ბათუმში რომ ცხოვრობენ? ამაზე იფიქრეთ და არა დაგროვილ ბოღმაზე. როცა ქალაქის მერი გავხდი, ერთმა ჩემზე თქვა – სამ დღეში პურის საკითხი რატომ არ გადაწყვიტაო? ნანი ბრეგვაძემ თბილისობაზე რომ მამღერა, იმავე კაცმა თქვა – ნიკო ლეკიშვილმა სიმღერა მაინც იცოდესო… როცა ბოღმა ხარ, არაფერი მოგეწონება”, – განაცხადა ნიკო ლეკიშვილმა.