საბოტაჟს დავარქმევდი ოპოზიციის მუშაობის შეწყვეტას კომისიაში, – განუცხადა პარლამენტის ვიცე-სპიკერმა, გია ვოლსკიმ ჟურნალისტებს.
ვოლსკის თქმით, რამდენიმე საკითხია, რომელზეც ოპოზიციასთან შეთანხმება ვერ მოხერხდა, თუმცა საკითხების დიდი ნაწილი შეთანხმებული და გავლილია.
,,რამდენიმე საკითხია, რომელზეც ოპოზიციასთან ბოლო წუთამდე შეთანხმება ვერ მოხდა. მნიშვნელოვანია, რომ კომისიის მუშაობის შედეგების საბოლოო ვარიანტი საზოგადოებას მიეწოდოს. სწორედ საზოგადოების მოსაზრებები იქნება მნიშვნელოვანი და გადამწყვეტი. საბოტაჟს დავარქმევდი ოპოზიციის მუშაობის შეწყვეტას კომისიაში, თუმცა საკითხების დიდი ნაწილი შეთანხმებული და გავლილია“, – განაცხადა გია ვოლსკიმ.
საკონსტიტუციო კომისიამ კონსტიტუციის პროექტზე მუშაობა უკვე დაასრულა . დარჩენილია სხდომა, სადაც პროექტის კენჭისყრა უნდა გაიმართოს, თუმცა ოპოზიციური პარტიების ნაწილი კომისიას პოლიტიკურ ბოიკოტს უცხადებენ.