6 მილიარდიანი ინვესტიცია ავტომატურად ნიშნავს ქვეყნისადმი მეტი ინტერესის გაჩენას სხვა ინვესტორების მხრიდან, – განაცხადა „ბიზნეს ინსაიდერ საქართველოს“ დამფუძნებელმა გიორგი აბაშიშვილმა.
„მსგავსი ტიპის მესიჯის დაფიქსირება, რომ საქართველოში უნდა განხორციელდეს 6 მილიარდის ინვესტიცია ძალიან მაღალრეპუტაციული ბიზნეს-ჯგუფის მიერ ავტომატურად ნიშნავს ქვეყნისადმი მეტი ინტერესის გაჩენას სხვა ინვესტორების მხრიდან. ეს, რა თქმა უნდა, როგორც პირდაპირი, ისე ირიბი სტიმულია შემდგომი ეკონომიკური ზრდისთვის. ამავდროულად, როდესაც ჩვენ ვსაუბრობთ ლარის კურსის გამყარებაზე ერთ-ერთი მთავარი გამოკვეთილი ფაქტორი, რომელიც ეროვნული ვალუტის კურსის სიმყარის გარანტიაა არის სწორედ პირდაპირი უცხოური ინვესტიციები და ამ შემთხვევაში საუბარია სწორედ 6 მილიარდის პირდაპირ უცხოურ ინვესტიციაზე“, – განაცხადა აბაშიშვილმა.
საქართველოში მსოფლიოში ცნობილი – Emaar ჯგუფის შემოსვლით ხელისუფლება და ეკონომისტები მრავალმხრივ დადებით ეფექტს ელიან. ახალი სამუშაო ადგილები, მეტი ტურისტი, საინვესტიციო რუკაზე უფრო თვალსაჩინო ადგილი და ეროვნული ვალუტის გამყარებაც.