მინდა, კიდევ ერთხელ მადლობა გადავუხადო ბატონ პრეზიდენტს ამ მოხსენებისთვის, – განაცხადა საქართველოს პარლამენტის თავმჯდომარე შალვა პაპუაშვილმა პარლამენტის პლენარულ სხდომაზე.
„მნიშვნელოვანია, რომ ერთის მხრივ ჩვენ გადავხედოთ გასულ წელს, შევაჯამოთ ის, თუ რა ვითარებაში მოუწია ჩვენს ქვეყანას მართლაცდა გადარჩენის ვიწრო ბილიკზე გასვლა და მადლობა ამ შეფასებისთვის. ასევე, იმ მომავალი ხედვისთვის, რომელიც მნიშვნელოვანია, რომ ჩვენს ქვეყანას ჰქონდეს ყველა ამ მიმართულებით, რომელზეც თქვენ გქონდათ საუბარი“, – აღნიშნა შალვა პაპუაშვილმა.
პარლამენტში დღეს საგაზაფხულო სესია პრეზიდენტის ყოველწლიური მოხსენებით გაიხსნა. სხდომას მთავრობის წევრებთან ერთად ესწრებოდა საქართველოს პრემიერ-მინისტრი ირაკლი კობახიძე. სხდომას ასევე ესწრებოდნენ საპატრიარქოს წარმომადგენლები, თბილისის მერი კახა კალაძე, თბილისის საკრებულოს თავმჯდომარე გიორგი ტყემალაძე.