ცდილობენ ადამიანები, რომ რაიმე ფორმით რეპუტაცია შეულახონ, ან პანიკა დათესონ მოსახლეობაში, თითქოს, ჯანმრთელობის დაცვის მათთვის გარანტირებულ უფლებას რაიმე საფრთხე ემუქრება, – განუცხადა ბათუმში ჟურნალისტებს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ.
მან უარყო ინფორმაცია, რომ ჯანდაცვის სისტემას გამართულად ფუნქციონირებისთვის რაიმე შეფერხება აქვს. მისივე თქმით, ჯანდაცვის სისტემა გამართულად მუშაობს.
„ეს არის მტკნარი ტყუილი. არავითარი ნიშანი არ არსებობს საიმისოდ, რომ რაიმე შეფერხება არსებობდეს ჯანდაცვის სისტემის გამართულად ფუნქციონირების თვალსაზრისით. ყველაფერი, რაც დაგეგმილია, ბუნებრივია, ხორციელდება იმ გეგმის მიხედვით, როგორც ეს დაგეგმილი აქვს ხელისუფლებას. რა თქმა უნდა, საქართველოს ჯანდაცვა კვლავაც განაგრძობს შემდგომ განვითარებას“, – განაცხადა სარჯველაძემ.