ალბანეთის დედაქალაქ ტირანაში 2025 წლის სეზონის მეორე სარეიტინგო ტურნირი მიმდინარეობს. ქართველმა ბერძნულ-რომაული სტილით მოჭიდავე ჯონი ხეცურიანმა (67 კგ) მესამე ადგილისთვის შეხვედრაში ყაზახი მადიარ მაულიტკანოვი ანგარიშით 7:2 დაამარცხა და ბრინჯაოს მედალს დაეუფლა.
მესამე ადგილისთვის დაპირისპირებამდე მან ბულგარელი მოწინააღმდეგე დაამარცხა, ნახევარფინალური შეხვედრა კი ყირგიზ მეტოქესთან დათმო. ამავე წონით კატეგორიაში ლერი აბულაძე ტურნირს ჯონი ხეცურიანთან დაპირისპირების შემდეგ მერვედფინალიდან გამოეთიშა.
ქართველი სპორტსმენები ალბანეთის საერთაშორისო სარეიტინგო ტურნირზე სპორტის სამინისტროს მხარდაჭერით იმყოფებიან.
კომენტარები