აშშ-ის პრეზიდენტმა, დონალდ ტრამპმა განაცხადა, რომ ის, ვინც უკრაინაში კონფლიქტის მშვიდობიანი მოგვარების წინააღმდეგ გამოდის, დიდხანს არ დარჩება.
მისი თქმით, სჯერა, რომ რუსეთსაც და უკრაინელ ხალხსაც შეთანხმება სურთ.
„მე ვფიქრობ, რომ ყველა უნდა შეიკრიბოს, ასე ვთქვათ, ერთ ოთახში და ჩვენ უნდა მივაღწიოთ შეთანხმებას. და შეთანხმება შეიძლება ძალიან სწრაფად შედგეს. ეს არ უნდა იყოს რთული შეთანხმება. შესაძლოა, ვინმეს არ სურდეს შეთანხმების მიღწევა. და თუ ვინმე არ მოისურვებს შეთანხმებას, ვფიქრობ, ეს ადამიანი დიდხანს არ დარჩება. მას არ მოუსმენენ, რადგან მე მჯერა, რომ რუსეთს სურს შეთანხმება. მჯერა, რომ უკრაინელ ხალხს სურს შეთანხმება. ისინი უფრო მეტად იტანჯებიან, ვიდრე ნებისმიერი სხვა. ჩვენ ვსაუბრობთ ტანჯვაზე. ისინი იტანჯებიან“, – აღნიშნა დონალდ ტრამპმა.
კომენტარები