“დონალდ ტრამპის დღევანდელი გამოსვლა კონგრესში იყო პრაგმატული, პატრიოტული და რეალისტური გეგმის მატარებელი”

პარტია “ხალხის ძალის” წევრი დავით ქართველიშვილი დონალდ ტრამპის კონგრესში გამოსვლას სოციალურ ქსელში ეხმიანება. მისი თქმით, აშშ-ს 47-ე პრეზიდენტის სიტყვით გამოსვლა პატრიოტული და პრაგმატული გეგმის
მატარებელია. მისი თქმით, ტრამპის განცხადებით აშშ უცხო ქვეყნებში თანხების ხარჯვის ნაცვლად სუვერენიტეტის, სიძლიერისა და კეთილდღეობის გაძლიერებაზე უნდა იყოს ორიენტირებული, რისი საშუალებითაც შეძლებს ძლიერი ეროვნული სახელმწიფოს აღდგენის, ამერიკული ინტერესების დაცვისა და გლობალური მშვიდობის მიღწევას.

სოციალურ ქსელში გამოქვეყნებულ პოსტში ექსპერტი სხვადასხვა დარგში დონალდ ტრამპის მიერ დაგეგმილ ცვლილებებზეც წერს.

“აშშ უნდა იყოს ძლიერი ეკონომიკურად და სამხედრო თვალსაზრისით, მაგრამ არ უნდა ერეოდეს ყველა საერთაშორისო კონფლიქტში. ტრამპის პოლიტიკა გულისხმობს რუსეთთან მოლაპარაკებებს, ჩინეთთან კონკურენციას და საკუთარი რესურსების დაცვას”- წერს დავით ქართველიშვილი და აღნიშნავს, რომ ყველაზე მთავარია, რომ აშშ აღარ იქნება მსოფლიოს ფინანსური სპონსორი.

“დონალდ ტრამპის დღევანდელი გამოსვლა კონგრესში იყო პრაგმატული, პატრიოტული და რეალისტური გეგმის
მატარებელი, რამაც დემოკრატების დაუფარავი პროტესტი გამოიწვია. მან დაიცვა ამერიკელი მუშების უფლებები, ტრადიციული ღირებულებები და ეროვნული ინტერესები. ნაცვლად იმისა, რომ გლობალისტურ ელიტებს ემსახურებოდეს და სხვა ქვეყნების პრობლემებზე ფული ხარჯოს, აშშ-მ საკუთარი ძალისხმევის ფოკუსირება თავისი სიძლიერის, სუვერენიტეტისა და კეთილდღეობის გაძლიერებაზე უნდა მოახდინოს – ძლიერი ეროვნული სახელმწიფოს აღდგენის, ამერიკული ინტერესების დაცვისა და გლობალური მშვიდობის მიღწევის მიზნით:

✅ ეკონომიკაში – 25%-იანი ტარიფების შემოღების გზით მექსიკისა და კანადის საქონელზე.

✅ ნავთობისა და გაზის მოპოვების ზრდა ამერიკას მისცემს ენერგეტიკულ დამოუკიდებლობას, შეამცირებს საწვავის ფასებს მოქალაქეებისთვის და გაანეიტრალებს რუსეთის, ჩინეთის და ოპეკ-ის ზეწოლას.

✅ ეროვნული უსაფრთხოების კუთხით – საზღვრების დაცვა და იმიგრაციის პოლიტიკის გამკაცრება.

✅ უკრაინასა და რუსეთთან მიმართებით: აშშ-ს “უსასრულო ომებში” ჩათრევას წერტილი უნდა დაესვას. ტრამპის გადაწყვეტილება, შეაჩეროს სამხედრო დახმარება უკრაინისთვის, ნიშნავს არა კიევის “ჩაბარებას”, არამედ მშვიდობიანი შეთანხმების მიღწევას, რაც ათასობით სიცოცხლეს გადაარჩენს.

✅ ჩინეთთან არა კონფრონტაციის, არამედ ჯანსაღი კონკურენციის პოლიტიკა, რაც საგრძნობლად შეამცირებს ამერიკის დამოკიდებულებას ჩინეთზე და ხელს შეუწყობს შიდა წარმოების გაძლიერებას.

✅ სოციალურ პოლიტიკაში – ტრადიციული ღირებულებების აღდგენა: “არსებობს მხოლოდ ორი სქესი”, და ტრამპი არ დაუშვებს ბავშვების იდეოლოგიურ ხრწნას სკოლებში. ეს არ არის “ლგბტ უფლებების დარღვევა”, არამედ ოჯახის ინსტიტუტისა და ბიოლოგიური რეალობის დაცვა და გაძლიერება.

✅ ტრანსგენდერი სპორტსმენების მონაწილეობის აკრძალვა ქალთა შეჯიბრებებში – ეს არ არის დისკრიმინაცია, არამედ ქალთა სპორტში სამართლიანობის დაცვა.

✅ კრიტიკული რასობრივი თეორიის აკრძალვა სკოლებში – ეს არის ბრძოლა მემარცხენე იდეოლოგიის წინააღმდეგ, რომელიც ბავშვებს ასწავლის საკუთარი ქვეყნის სიძულვილს.

✅ სახელმწიფო მმართველობა, აგებული ბიუროკრატიის რეფორმირებაზე – “სახელმწიფო მმართველობის ეფექტიანობის დეპარტამენტი”, რომელსაც ელონ მასკი ხელმძღვანელობს, ამერიკას ახალ სიმაღლეებზე აიყვანს. მასკი ამ ბიუროკრატიული სისტემის ნაწილია არა როგორც “კარიერული პოლიტიკოსი”, არამედ როგორც მდგრადი ლიდერი და ინოვატორი.

✅ და რაც მთავარია: “ამერიკა უპირველეს ყოვლისა” – აშშ აღარ იქნება “მსოფლიოს ფინანსური სპონსორი”. ევროპამ, უკრაინამ თუ ტაივანმა თავის უსაფრთხოებაზე თავად უნდა იზრუნონ. ეს არ არის მათი იზოლაციონიზმი, არამედ გონივრული პოლიტიკა, რომელიც ამერიკელ ხალხს პრიორიტეტს ანიჭებს. აშშ უნდა იყოს ძლიერი ეკონომიკურად და სამხედრო თვალსაზრისით, მაგრამ არ უნდა ერეოდეს ყველა საერთაშორისო კონფლიქტში. ტრამპის პოლიტიკა გულისხმობს რუსეთთან მოლაპარაკებებს, ჩინეთთან კონკურენციას და საკუთარი რესურსების დაცვას,“-წერს დავით ქართველიშვილი სოციალურ ქსელში.