პსჟ-რენის დაპირისპირება კვარაცხელიას გუნდის გამარჯვებით 4-1 დასრულდა. ხვიჩა კვარაცხელია მოედანზე შეცვლაზე, 64-ე წუთზე შევიდა და ერთ-ერთი საუკეთესო იყო.
მატჩის შემდეგ პარიზული გუნდის მთავარმა მწვრთნელმა, ლუის ენრიკემ პრესკონფერენციაზე სხვადასხვა საკითხთან ერთად, ხვიჩას შესახებაც ისაუბრა.
“მე ჩემს ფეხბურთელებზე ინდივიდუალურად საუბარი არ მიყვარს, მაგრამ ყველას ხარისხს მაინც ხაზს ვუსვამ. “კვარას“ თქვენ “ნაპოლიდან“ და შესარჩევ ტურნირზე საქართველოს ნაკრებიდან იცნობთ. ის დიდი პოტენციალის მქონეა. სულ უფრო და უფრო უკეთ თამაშობს და უკეთაა გუნდში ინტეგრირებული. ეს ძალიან სასიამოვნოა”, – აღნიშნა ლუის ენრიკემ.
ვნახოთ როგორ შეაფასეს ანალიტიკურმა საიტებმა “კვარას” თამაში:
Whoscored: კვარაცხელია 7.2,
Sofascore: კვარაცხელია 8.0,
Flashscore: კვარაცხელია 7.2
მატჩის ერთ-ერთი ულამაზესი მომენტი იყო კვარაცხელიას მიერ აკრობატულად ბურთის მიღება:
ეს ფოტო PSG-მ სოციალურ ქსელში ოფიციალურ გვერდზეც გამოაქვეყნა, რასაც გულშემატკივრების კომენტარები მოჰყვა:
“სუპერმენი საქართველოდან”,
“კვარა ავიახაზები”,
“მაესტრო”,
“ეს კადრი ლიგა 1-ის ახალი ლოგო უნდა გახდეს”,
“გთხოვ, ეს ენფილდზეც გააკეთე”, – წერენ კომენტარებში.