მათ აქვთ იგივე მიზნები, რაც აქამდეც ჰქონდათ. ეს არის კონკრეტული მიზნები, რომ საქართველო იყოს მათი ინტერესების პაიკი და ისე ათამაშონ ჩვენი ქვეყანა, როგორც მოისურვებთ. გამოიყენონ ყველაზე ბნელი და ყველაზე მიუღებელი დამანგრეველი სცენარების განხორციელებაში, – განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა „დიფ სთეითზე“ საუბრისას.
„ის, რაც ხდება უკრაინაში დღეს, ფაქტობრივად პროქსი ქვეყანა უნდათ რომ გახდეს საქართველო და რა თქმა უნდა ეს ქვეყნები საკუთარი ხალხის ნებას არ გამოხატავენ, ვინაიდან მათ მთლიანად და აქვთ პოლიტიკური სუვერენიტეტი დაკარგული და ისინი გამოხატავენ „დიფ სთეითის“ გეგმებს“, – აღნიშნა რატი იონათამიშვილმა.
პარლამენტის თავმჯდომარემ „დიფ სთეითზე“ საუბრის დროს თქვა, რომ უნდა ამოიძირკვოს სხვა ქვეყნების დესტაბილიზაციის ქსელები და არ მოხდეს მათი რებრენდინგი. შალვა პაპუაშვილის განცხადებით, დადასტურდა ის ყველაფერი რასაც მმართველი გუნდი წლებია ამბობს, მათ შორის საქართველოს ომში ჩართვაზე.