ლორა თორნტონს, როგორც აქამდე არ გამოუვიდა არაფერი, არც ამ ახალი დირექტივებით გამოუვა რამე, ამის თქმის საფუძველს პირველ რიგში ხალხი მაძლევს, – განაცხადა „ხალხის ძალის“ წევრმა ეკა სეფაშვილმა.
მისი თქმით, ლორა თორნტონი არის „დიფ სთეითის“ იდეოლოგიის გამავრცელებელი, რომელიც აქტიურად მუშაობს ამჟამად საქართველოზე.
„ის პირდაპირ მოუწოდებს ხალხს, რომ დაანგრიონ საკუთარი ეკონომიკა და იძლევა პირდაპირ დირექტივებს. ჩვენ გვახსოვს მისი ანგარიშები. ახლა, როგორც ჩანს, ხალხთან რადგან ვერ გაჭრა მისმა ამ მოწოდებებმა, გადაერთო მედიასა და სამოქალაქო საზოგადოებაზე. როგორც აქამდე არ გამოუვიდა მას არაფერი, არც ამ ახალი დირექტივებით გამოუვა. ამის თქმის საფუძველს მაძლევს პირველ რიგში ხალხი, რომელსაც ჩვენ ყოველდღიურად ვაწვდით ობიექტურ ინფორმაციას“, – აღნიშნა სეფაშვილმა.
„მაკკეინის ინსტიტუტის“ პროგრამების დირექტორი და რადიკალური ოპოზიციის ერთ-ერთი ინსტრუქტორი ლორა თორნტონი სოციალურ ქსელში აქციის ფოტოს აზიარებს და წერს, რომ ბოლო ბასტიონები ახლა მედია და სამოქალაქო საზოგადოებაა.