საქართველო -აზერბაიჯანის მეზობლური ურთიერთობები შეიძლება იყოს მაგალითი სომხეთისთვის, – ამის შესახებ აზერბაიჯანის პრეზიდენტის თანაშემწემ, პრეზიდენტის ადმინისტრაციის საგარეო პოლიტიკის საქმეთა დეპარტამენტის ხელმძღვანელმა, ჰიქმეთ ჰაჯიევმა განაცხადა.
ჰიქმეთ ჰაჯიევის თქმით, აზერბაიჯანი ცდილობს თანამოაზრე ქვეყნების გაერთიანებას.
„სომხეთ-აზერბაიჯანის კონფლიქტის მოგვარება, კონფლიქტების მოგვარების მაგალითია. სომეხი კოლეგები ზოგჯერ ამბობენ, რომ აზერბაიჯანმა განსაზღვრა სომხეთის დამოუკიდებლობა, რადგან საოკუპაციო პოლიტიკა მათი დამოუკიდებლობის საფრთხე იყო. ახლა რამდენიმე მოვლენა მიმდინარეობს ახლო აღმოსავლეთში. აზერბაიჯანი არის ქვეყანა, რომელიც ახლო არმსოავლეთთან გეოგრაფიულად არის ახლოს. ამ რეალობების გათვალისწინებით, ჩვენ ვცდილობთ, გავაძლიეროთ ურთიერთობები ცენტრალურ აზიასთან, როგორც ჩვენი საგარეო პოლიტიკის პრიორიტეტი. ამავდროულად, საქართველო-აზერბაიჯანის ურთიერთობები მეზობლური ურთიერთობების მაგალითია. ეს ასევე შეიძლება იყოს მაგალითი სომხეთისთვის. კასპიის ზღვა არ გვყოფს, ის გვაერთიანებს. აზერბაიჯანის მრავალმხრივი პოლიტიკა აქ არ მთავრდება. აზერბაიჯანი ცდილობს, 3-4 ზღვა დააკავშიროს თავისი ენერგეტიკული კონცეფციის საშუალებით. აზერბაიჯანის ენერგეტიკულმა პროექტებმა უკვე მიაღწიეს ადრიატიკის ზღვის სანაპიროებს“, – აღნიშნა ჰიქმეთ ჰაჯიევმა.