გერმანიაში პოლიცია ეძებს მამაკაცს, რომელმაც ცოლს ტრამვაიში აალებადი სითხე შეასხა და ცეცხლი წაუკიდა, რამაც მას მძიმე ჭრილობები მიაყენა.
„ქალს შეასხა აალებადი სითხე და დაწვა“, – თქვა ტურინგიის შტატის პოლიციამ და მოგვიანებით განმარტა, რომ ეჭვმიტანილი მსხვერპლის ქმარი იყო.
როდესაც სხვა მგზავრებმა გადაუდებელი გაჩერების ღილაკს დააჭირეს, დამნაშავემ ისარგებლა კარის გახსნით და გაიქცა.
მომხდარი ინციდენტის შედეგად სხვა ადამიანი არ დაშავებულა. ტრამვაის მძღოლმა ხანძრის ჩასაქრობად გამოიყენა ცეცხლმაქრი, თუმცა ქალს სიცოცხლისთვის საშიში ჭრილობები აქვს მიყენებული და ვერტმფრენით საავადმყოფოში გადაიყვანეს.
პოლიციაში აცხადებენ, რომ პატრული აქტიურად ეძებს 46 წლის დამნაშავეს.
თავდასხმის შესაძლო მოტივის შესახებ ინფორმაცია არ ვრცელდება.
კომენტარები