საქართველოს შიდა საქმეებში ჩარევის მცდელობა და დირექტივები რადიკალებისთვის, – ასე აფასებს გარემოს დაცვისა და ბუნებრივი რესურსების საპარლამენტო კომიტეტის თავმჯდომარე ვლადიმერ ბოჟაძე ლიეტუვის ყოფილი საგარეო საქმეთა მინისტრის და ახლა ესკალაციის კონსულტანტის, გაბრიელიუს ლანდსბერგისის მორიგ ვიზიტს საქართველოში.
„ის არაერთხელ იყო საქართველოში, პირდაპირ იღებდა მონაწილეობას ოპოზიციის მიტინგებში. ამ არჩევნების შემდეგ, როდესაც მისი პარტია დამარცხდა ის აღარ არ ლიეტუვის საგარეო საქმეთა მინისტრი და საერთოდ, პოლიტიკაშიც აღარ არის. ის აგრძელებს თანამშრომლობას რადიკალურ ოპოზიციასთან, ყოფილ პრეზიდენტთან, სალომე ზურაბიშვილთან და როგორც ჩანს, კვლავ ცდილობს მისი რესურსები გამოიყენოს ოპოზიციის მხარდასაჭერად, ჩვენი ქვეყნის დასაზიანებლად. ნათლად გამოჩნდა, რომ ის სანქციები, რომელიც მათ შორის ბალტიის ქვეყნებმა დააკისრეს სხვადასხვა პოლიტიკოსს თუ თანამდებობის პირს, პირდაპირ დაკავშირებულია რადიკალურ ოპოზიციასთან, რომელსაც ჩვენს ქვეყანაში არ აქვს ხალხის მხარდაჭერა და ცდილობენ გარედან მოახდინონ ზეგავლენა ქართულ პოლიტიკაზეც, რაც ქვეყნის შიდა საქმეებში ჩარევაა“, – აღნიშნა ვლადიმერ ბოჟაძემ.
ლიეტუვის ყოფილი საგარეო საქმეთა მინისტრი და ახლა ესკალაციის მართვის კონსულნტანტი გაბრიელიუს ლანდსბერგისი ისევ საქართველოშია და შეხვედრებს განაგრძობს. რადენიმე წუთში შეხვედება მესამე სექტორს.