ეს შეიძლება გარკვეულწილად ჩავთვალოთ აღიარებად, დასტურად იმისა, რომ პროკურატურის ქმედებები და ის შინაარსი, რაც პროკურატურამ დაინახა ამ ფონდების მოქმედებაში, რეალობას შეესაბამება, – ასე გამოეხმაურა საპარლამენტო უმრავლესობის წევრი პაატა სალია ნანუკა ჟორჟოლიანის განცხადებას. საუბარია Facebook-პოსტზე, რომელშიც ჟორჟოლიანი პირობას დებს, რომ მისი ფონდიდან არცერთი თეთრი არ გადაირიცხება პოლიტიკურ კონტექსტში, თუკი პროკურატურა ფონდს ყადაღას მოხსნის.
„ფაქტობრივად, ნანუკა ჟორჟოლიანმა დაადასტურა. როგორც გავიგეთ, მისი განცხადებიდან, მან მაპირობა დადო, რომ მხოლოდ დაზარალებულებს დაეხმარება ამიერიდან და აღარ გადაიხდის პოლიტიკური მიზნებით თანხებს. შესაბამისად, ეს შეიძლება გარკვეულწილად ჩავთვალოთ აღიარებად, დასტურად იმისა, რომ პროკურატურის ქმედებები და ის შინაარსი, რაც პროკურატურამ დაინახა ამ ფონდების მოქმედებაში რეალობას შეესაბამება და ფონდების ხელმძღვანელის მხრიდან, ფაქტობრივად ამის დადასტურება მოხდა“, – აცხადებს სალია.
ნანუკა ჟორჟოლიანმა სოციალურ ქსელში აღიარა ის, რასაც პროკურატურა ედავება – ჟორჟოლიანი საჯაროდ დებს პირობას, რომ თუ მის ფონდს ყადაღა აეხსნება, შეგროვებულ თანხას პოლიტიკური მიზნებისთვის არ გამოიყენებს.