“პოლიტიკურ ველს რომელსაც „კოლექტიური ნაცმოძრაობა“ მისი ყველა მიმდინარეობით დატოვებს, ჯანსაღი პოლიტიკური ძალები შეავსებენ”

„ჩვენ არაერთი პოლიტიკოსი ვნახეთ „კოლექტიური ნაცმოძრაობიდან“, რომლებმაც დატოვეს პოლიტიკა და ეს სია აუცილებლად გაიზრდება,“ – განაცხადა მედიასთან საუბარში პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა.

მისივე თქმით, „კოლექტიური ნაცმოძრაობას“ ქართულ პოლიტიკურ ველზე ჯანსაღი პოლიტიკური ძალები ჩაანაცვლებენ.

„ჩვენ არაერთი პოლიტიკოსი ვნახეთ „კოლექტიური ნაცმოძრაობიდან“, რომლებმაც დატოვეს პოლიტიკა და ეს სია აუცილებლად გაიზრდება. აშკარაა, რომ მათი ადგილი ქართულ პოლიტიკაში აღარ არის. პოლიტიკურ ველს, რომელსაც „კოლექტიური ნაცმოძრაობა“ მისი ყველა მიმდინარეობით დატოვებს, შეავსებენ ჯანსაღი ძალები. გვარამია და მელია იგივე „ნაცმოძრაობაა“, ხაზარაძე მედლის მეორე მხარეა, მაგრამ მაინც იგივე მედალია და ა.შ.

„კოლექტიური ნაცმოძრაობის“ გაუქმების პროცესი მიდის ბუნებრივად და ამის ერთ-ერთი მტკიცებულება დროებითი საგამოძიებო კომისიაა. ეს კომისია, სწორედ იმიტომ შეიქმნა, რომ შეფასდეს „ნაციონალური მოძრაობის“ პოლიტიკური რეჟიმი. ჩვენ არაერთხელ დავრწმუნდით იმაში, რომ ეს პოლიტიკური ძალა არის წარმომადგენლობა უცხოური ძალების – „დიფ-სთეითის“, გნებავთ დავარქვათ „გლობალური ომის პარტია“, – განაცხადა გურამ მაჭარაშვილმა.