ფრაქცია „ქართული ოცნების“ თავმჯდომარის მოადგილე, ლევან მაჭავარიანი რადიკალური ჯგუფების წარმომადგენლების მიერ გერმანიის მთავრობის მიმართ მადლობას „ქრონიკასთან“ აფასებს და აღნიშნავს, რომ რადიკალები ხავსს ეჭიდებიან და მიხაილ როთის იმედზე არიან დარჩენილები.
„ოთხივე რადიკალურმა პარტიამ, კოლექტიურმა „ნაციონალურმა მოძრაობამ“ ბრიუსელში ე.წ. დანოსი გააგზავნა ბრიუსელში, სადაც ოთხივე პარტია ხელს აწერდა და ფაქტობრივად ევროკავშირს ეხვეწებოდა, რომ საქართველო დაესანქცირებინათ, ყველანაირი ურთიერთობა გაეწყვიტათ ჩვენს ქვეყანასთან. ამის ფონზე, როდესაც დიდი ზარ-ზეიმით ასეთი წერილი აქვთ გაგზავნილი, იმის მერე არ უნდა გაგვიკვირდეს, რომ ასეთი, ნებისმიერი თემა მათ უხარიათ. ეს კიდევ ერთხელ მიუთითებს იმაზე, თუ რა მძიმე მდგომარეობაში არიან ისინი, როგორც ეჭიდებიან ხავსს, ბატონო როთის იმედზე არიან დარჩენილები და ეს არის ძალიან სავალალო მდგომარეობა“, – აღნიშნა ლევან მაჭავარიანმა.
რადიკალური ჯგუფების წარმომადგენლების გერმანიის მთავრობას მადლობას უხდიან. საუბარია გერმანიის მთავრობის მიერ დაწესებულ სანქციებზე, რომელთა მიხედვითაც საქართველოს რამდენიმე მოქალაქეს ქვეყანაში შესვლა აუკრძალეს. გერმანიის საგარეო უწყებამ ინფორმაცია სოციალურ ქსელში გამოაქვეყნა. არასამთავრობო ორგანზიაციების წარმომადგენელბი კომენტარებში იმედს გამოთქვამენ, რომ სანქცირებულთა სია გაიზრდება.