თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთი მნიშვნელოვან როლს თამაშობს ახალი მსოფლიო წესრიგის ფორმირებაში.
„გლობალური მოთამაშეები ზოგჯერ ნებაყოფლობით, მაგრამ ხშირად იძულებით აღიარებენ, რომ თურქეთის გარეშე განტოლების შექმნა შეუძლებელია და თუ ის შეიქმნება კიდეც, წარმატების შანსი არ ექნება“, – აღნიშნა თურქეთის ლიდერმა.
მისი თქმით, თურქეთი „აღარ არის უბრალოდ სტატისტი დიდი სახელმწიფოების თამაშებში, ის გახდა წამყვანი მოთამაშე, რომელიც საკუთარ სცენარს ახორციელებს“.
რეჯეფ თაიფ ერდოღანმა ასევე ისაუბრა მსოფლიოში მიმდინარე სავაჭრო ომის შედეგებზე, რომელიც, მისი თქმით, შესაძლოა ყველა ქვეყანაზე აისახოს.
„საბაჟო გადასახადებით პროვოცირებულ სავაჭრო ომს გლობალური შედეგები მოჰყვება. გადაჭარბებული არ იქნება იმის თქმა, რომ ის მოახლოებულ ქარიშხალს ჰგავს, რომელიც ყველას შეეხება“, – დასძინა მან.