უნგრეთის პარლამენტმა საკონსტიტუციო ცვლილება მიიღო, რომელიც მთავრობას საშუალებას აძლევს, აკრძალოს LGBTQ+თემების საჯარო ღონისძიებები.
ცვლილება აკანონებს LGBTQ+ საჯარო ღონისძიებების, მათ შორის პრაიდის აკრძალვას.
მიღებულ ცვლილებაში ნათქვამია, რომ ბავშვების უფლებები მორალურ, ფიზიკურ და სულიერ განვითარებაზე, სიცოცხლის უფლების გარდა, აღემატება ნებისმიერ სხვა ფუნდამენტურ უფლებას, მათ შორის მშვიდობიანი შეკრების უფლებას.
ახალი შესწორება ასევე იძლევა უფლებას, უნგრელებს, რომლებსაც ორმაგი მოქალაქეობა აქვთ ევროპის ეკონომიკური ზონის არაწევრ ქვეყანაში, შეუჩერდეთ მოქალაქეობა, თუ ისინი საზოგადოებრივი წესრიგის, საზოგადოებრივი უსაფრთხოების ან ეროვნული უსაფრთხოების საფრთხედ ჩაითვლებიან.
კომენტარები