ევროკომისიამ ჯაშუშობის რისკის თავიან ასაცილებლად, შეერთებულ შტატებში მომუშავე ზოგიერთი თანამშრომლისთვის, ერთჯერადი ტელეფონებისა და მარტივი ლეპტოპების გაცემა დაიწყო. ცნობას გამოცემა The Financial Times-ი ავრცელებს და აღნიშნავს, რომ ახალი ინსტრუქციები მიიღეს ევროკომისრებმა და ოფიციალურმა პირებმა, რომლებიც მომავალ კვირას, მსოფლიო სავალუტო ფონდის და მსოფლიო ბანკის საგაზაფხულო შეხვედრებზე მიდიან.
ოფიციალური პირების თქმით, ინსტრუქციები მოიცავს რეკომენდაციას, გამორთონ ტელეფონები საზღვარზე და მოათავსონ სპეციალურ შეფუთვაში. გამოცემის წყაროს ცნობით, ეს ზომები უკრაინასა და ჩინეთში მოგზაურობისთვის დაწესებული ზომების მსგავსია, სადაც რუსული ან ჩინური ჯაშუშობის საფრთხის გამო, სტანდარტული კომპიუტერული კომპლექტების ჩატანა დაუშვებელია.
კომენტარები