აშშ-ის ვიცე-პრეზიდენტმა, ჯეი დი ვენსმა აბსურდული უწოდა უკრაინის პრეზიდენტის, ვოლოდიმირ ზელენსკის ბრალდებას იმის შესახებ, რომ თითქოს ის რუსეთის ქმედებების გამართლებით არის დაკავებული.
„ვფიქრობ, რომ ზელენსკისთვის აბსურდია საუბარი იმაზე, რომ [ამერიკის] მთავრობა, რომელიც მოცემულ დროს მის ყველა სამთავრობო და სამხედრო მოქმედებებს მხარს უჭერს, რამენაირად რუსების მხარესაა“, – თქვა ვენსმა.
როგორც აშშ-ის მეორე პირმა განაცხადა, ის რუსეთს უკრაინაში შეჭრის გამო ჯერ კიდევ 2022 წლის თებერვლიდან აკრიტიკებდა. „მსურდა სტრატეგიული აღიარება გამომეყენებინა იმის თაობაზე, რომ, თუ თქვენ კონფლიქტის დასრულება გსურთ, უნდა გაიგოთ, სად ხედავენ რუსები და უკრაინელები საკუთარ სტრატეგიულ ინტერესებს“, – დასძინა ვენსმა.
მისი თქმით, მისი ეს პოზიცია არ ნიშნავს იმას, რომ ის რუსეთს მხარს უჭერს. „უნდა შეეცადოთ და გაიგოთ, თუ სად იწყება წითელი ხაზები, ამავდროულად, უნდა გაიგოთ, თუ რის მიღწევა სურთ უკრაინელებს კონფლიქტში“, – თქვა ვენსმა.
ცნობისთვის, ზელენსკიმ განაცხადა, რომ მას ეჭვი აქვს, რომ აშშ-ის ვიცე-პრეზიდენტი, ჯეი დი ვენსი რუსეთის ქმედებების გამართლებით არის დაკავებული.