“უკრაინის რუსული რაკეტებისგან თავდაცვის უნარი მთლიანად პოლიტიკურ გადაწყვეტილებებზეა დამოკიდებული”

ნატოს გენერალურ მდივანთან, მარკ რუტესთან გამართულ შეხვედრაზე უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინის რუსული რაკეტებისგან თავდაცვის უნარი მთლიანად პოლიტიკურ გადაწყვეტილებებზეა დამოკიდებული.

ზელენსკიმ ხაზგასმით აღნიშნა, რომ ყველა ხედავს, თუ რამდენად გადაუდებელია უკრაინის მოთხოვნილება საჰაერო თავდაცვის სისტემებზე.

„Patriot-ის სისტემები თავდაცვითი იარაღია და ჩვენ Patriot-ებს არ ვითხოვთ – ჩვენ მათი შეძენისთვის მზად ვართ“, – აღნიშნა ვოლოდიმირ ზელენსკიმ.

„ეს წმინდა პოლიტიკური საკითხია – სისტემები მსოფლიოში ხელმისაწვდომია, Patriot-ისთვის რაკეტებიც ხელმისაწვდომია და ეს მთლიანად პოლიტიკურ გადაწყვეტილებებზეა დამოკიდებული“, – დასძინა მან.