ასეთი ამორალური, უპრინციპო და დაბეჩავებული ოპოზიცია, რომელიც საკუთარ ქვეყანას მტრობს, მიუღებელია ქართველი ხალხისთვის, – განაცხადა პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა.
„საქართველოს ჰყავს გაუბედურებული და მონური მორჩილების ოპოზიცია, რომელსაც საკუთარი აზრი, პრინციპი არ გააჩნია. მთლიანად დამოკიდებულები არიან საკუთარ გარე პატრონებზე, ამიტომ რასაც ისინი ჩასძახებენ იმას ამოიძახებენ. სხვა საკითხია, რომ ამაშიც უუნაროები არიან და დავალების შესრულებაც არ შეუძლიათ, ყოველთვის ორიანი ჰყვებათ, მაგრამ მეორე მხრივ ეს სახე, რასაც ეს ერთიანი რადიკალური ოპოზიცია წარმოადგენს და მათ შორის დიდი განსხვავება არ არის რასაკვირველია, ეს არის ზუსტად ის, რატომაც არის მიუღებელი ჩვენი ხალხისთვის ასეთი ამორალური, უპრინციპო და დაბეჩავებული ოპოზიცია, რომელიც საკუთარ ქვეყანას მტრობს“, – განაცხადა იონათამიშვილმა.
თვითმმართველობის არჩევნებამდე ხუთი თვით ადრე ოპოზიციაში დაპირისპირება და განხეთქილებაა. ნაწილი ირწმუნება, რომ არჩევნებში არ მონაწილეობს, ნაწილი კი აღიარებს, რომ უცხოელი პატრონების დავალებას ელოდება.