მთლიანად კოლექტიური „ნაციონალური მოძრაობა“ ზუსტად იმ ინსტრუქციების მიხედვით მოქმედებს, რაც მათი გარე უფროსების მიერ არის გამოგზავნილი. მათი გადასაწყვეტი რომ იყოს ურჩევნიათ საერთოდ არ მიიღონ არჩევნებში მონაწილეობა. იციან, რომ მათი რეიტინგი ძალიან დრამატულად არის შემცირებული, – განაცხადა ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.
„ბატონი გიგი უგულავას ფროიდისეული წამოცდენა იმასთან დაკავშირებით, რომ უცხოელებისგან ელოდება ინსტრუქციას, ეს ის არის, რაზეც ჩვენ ჩვენს მოქალაქეებს ამდენი წლის განმავლობაში ვესაუბრებით. მთლიანად კოლექტიური „ნაციონალური მოძრაობა“ მოქმედებს ზუსტად იმ ინსტრუქციების მიხედვით, რაც მათი გარე უფროსების მიერ არის გამოგზავნილი. ბატონმა გახარიამ პირდაპირ დაადასტურა, რომ მივიღებო მონაწილეობასო, თუმცა ინსტრუქცია თუ იქნება მისი მისამართით, რომ არავინ არ მიიღოთ მონაწილეობაო გარწმუნებთ, რომ ბატონ გახარიასაც მოუწევს მონაწილეობის არ მიღება. ეს რომ მათი გადასაწყვეტი იყოს, რა თქმა უნდა, ურჩევნიათ, რომ საერთოდ არ მიიღონ არჩევნებში მონაწილეობა. იციან, რომ მათი რეიტინგი არის ძალიან დრამატულად შემცირებული“, – განაცხადა მაჭავარიანმა.
თვითმმართველობის არჩევნებამდე ხუთი თვით ადრე ოპოზიციაში დაპირისპირება და განხეთქილებაა. ნაწილი ირწმუნება, რომ არჩევნებში არ მონაწილეობს, ნაწილი კი აღიარებს, რომ უცხოელი პატრონების დავალებას ელოდება.