კონგრესმენ მარჯორი ტეილორ გრინის განცხადებით, USAID-ი მალე სრულად გაუქმდება.
მისი თქმით, საერთაშორისო განვითარების სააგენტოს ოფიციალურად დაშლის საკითხი თეთრი სახლის მიერ რეკომენდებულ ე.წ. „შემცირების კანონპროექტში“ იქნება შეტანილი.
ამერიკელი კანონმდებელი განმარტავს, რომ USAID-ი ჰუმანიტარული დახმარების ორგანიზაცია არასოდეს ყოფილა და სახელმწიფოს ფინანსებს ბოროტად იყენებდა.
„USAID-ი გაუქმდება. პრეზიდენტ ტრამპისა და მისი ადმინისტრაციის საქმიანობის დახმარებით ეს სააგენტო დაიშლება. USAID-ი არასოდეს ყოფილა ჰუმანიტარული ორგანიზაცია. იგი ბოროტად იყენებდა თანხებს და ეს ფული იქ მიედინებოდა, სადაც არ უნდა მოხვედრილიყო. აღნიშნული საკითხი დიდი ნაწილი იქნება იმ საკანონმდებლო პაკეტის, რომელსაც თეთრი სახლი გაუწევს რეკომენდაციას და ჩვენ ამაზე აქტიურად ვიმუშავებთ“, – თქვა კონგრესმენმა.
