საგამოძიებო კომისიის სხდომაზე გამოუცხადებლობის საქმეზე, საქალაქო სასამართლოში ზურაბ გირჩი ჯაფარიძისთვის აღკვეთის ღონისძიების შეფარდებაზე იმსჯელეს. მოსამართლე ნანა შამათავამ დააკმაყოფილა პროკურატურის შუამდგომლობა და ჯაფარიძეს აღკვეთის ღონისძიების სახით 20 000-ლარიანი გირაო შეუფარდა.
კომისიაზე გამოუცხადებლობის გამო პროკურატურამ ჯაფარიძეს ბრალი სისხლის სამართლის კოდექსით გათვალისწინებული 349-ე მუხლით წარუდგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
ცნობისთვის, კომისიის კანონიერი მოთხოვნის დაუმორჩილებლობისთვის ბრალი წარედგინა ნიკა გვარამიასაც.
კომენტარები