რეგიონული პოლიტიკისა და თვითმმართველობის საპარლამენტო კომიტეტის თავმჯდომარე საპარლამენტო უმრავლესობის წევრმა ირაკლი ქადაგიშვილი ადგილობრივი თვითმმართველობის არჩევნებში მონაწილეობის თემაზე ოპოზიციაში არსებულ უთანხმოებას აფასებს. მისი შეფასებით, ოპოზიციაში გაურკვევლობაა და შესაძლოა, ოპოზიციის ნაწილმა არჩევნებში მონაწილეობა მიიღოს, ნაწილმა კი – არა.
„ოპოზიცია რა თქმა უნდა, ძალიან დიდ გაურკვევლობაშია, ჯერ მათ უცხოელ მფარველებს არ გადაუწყვეტიათ, რა მიმართულებით უნდა განავითარონ პროცესები საქართველოში. თუმცა, ერთი რამ ფაქტია, რომ რევოლუციით ქვეყანას ვერ შლიან. გამომდინარე აქედან, ეს მტკივნეული გადაწყვეტილება აქვთ მისაღები, რომ დაუბრუნდნენ ქვეყანაში კონსტიტუციურ პროცესებს თუ შეინარჩუნონ გარკვეული ნაწილი სრული დესტრუქციისათვის და გარკვეული ნაწილი საარჩევნო პროცესში შემოიყვანონ.
საბოლოო ჯამში ალბათ, გაიყოფიან, ნაწილი მიიღებს, ნაწილი არ მიიღებს მონაწილეობას [ადგილობრივი თვითმმართველობის ორგანოების არჩევნებში]”, – განაცხადა ირაკლი ქადაგიშვილმა.