თურქეთის პოლიციამ ანკარაში ჩატარებული სპეცოპერაციის შედეგად 525 ნარკორეალიზატორი დააკავა. ინფორმაციას ამის შესახებ Euronews-ი ავრცელებს.
თურქეთის შინაგან საქმეთა მინისტრმა, ალი იერლიკაიამ განაცხადა, რომ ეს ქვეყნის ისტორიაში ყველაზე მასშტაბური ანტინარკოტიკული ოპერაცია იყო.
ოპერაციაში ათასობით პოლიციელი, დრონი და ვერტმფრენი იყო ჩართული. ის 625-ზე მეტ მისამართზე ჩატარდა.
თურქეთის შინაგან საქმეთა სამინისტროში აღნიშნეს, რომ სპეცოპერაცია ექვსი თვის განმავლობაში თითოეული ეჭვმიტანილის ტექნიკური და ფიზიკური თვალთვალის შედეგი იყო.
შინაგან საქმეთა სამინისტროში ასევე განაცხადეს, რომ რეიდები გაგრძელდება და მომდევნო დღეებში მეტი დაკავება მოხდება.
კომენტარები