პარიზში გამართულ შეხვედრაზე აშშ-მა წარადგინა უკრაინაში კონფლიქტის დარეგულირების გეგმა, რომელიც ითვალისწინებს, რომ რუსეთი ინარჩუნებს ყველა ტერიტორიას, რომელიც მის კონტროლქვეშ გადავიდა. ინფორმაციას ამის შესახებ სააგენტო Bloomberg-ი წყაროებზე დაყრდნობით ავრცელებს.
„აშშ-მა მოკავშირეებს წარუდგინა წინადადებები რუსეთსა და უკრაინას შორის სამშვიდობო შეთანხმების გაფორმების შესახებ, მათ შორის საბრძოლო მოქმედებების შეწყვეტის პირობების მოკლე მიმოხილვა და მოსკოვის წინააღმდეგ სანქციების შემსუბუქება ცეცხლის ხანგრძლივი შეწყვეტის შემთხვევაში“, – წერს სააგენტო Bloomberg-ი.
ვაშინგტონის წინადადება ასევე გამორიცხავს უკრაინის ნატოში გაწევრიანების საკითხის განხილვას.
ერთ-ერთმა ოფიციალურმა პირმა, რომელიც Bloomberg-ს ანონიმურობის პირობით ესაუბრა, განაცხადა, რომ აღნიშნული გეგმა არ იქნება „საბოლოო დარეგულირება“, ის ჯერ კიდევ განსახილველია კიევთან და კიევის ევროპელი მოკავშირეები არ აღიარებენ ოკუპირებულ ტერიტორიებს რუსეთის საკუთრებად.
წყაროებმა ასევე აღნიშნეს, რომ მოლაპარაკებები უშედეგო იქნება, თუ რუსეთი არ დათანხმდება საომარი მოქმედებების შეწყვეტას და ხაზი გაუსვეს უკრაინისთვის უსაფრთხოების გარანტიების მიცემის მნიშვნელობას ნებისმიერი შეთანხმების უზრუნველსაყოფად.