უკრაინის ხელისუფლებამ უკანასკნელი სამი წლის მანძილზე არასანდო მიმწოდებლებისგან შეიარაღების შესყიდვის დროს ასეულობით მილიონი დოლარი დაკარგა. სტატიას ამ შინაარსით The Financial Times-ი ავრცელებს.
გამოცემის მტკიცებით, კიევი კონტრაქტებს ნაკლებად ცნობილ კომპანიებთან აფორმებდა. ისინი მსხვილ ავანსს იღებდნენ, თუმცა შეიარაღებას ან მის კომპონენტებს არ აწვდიდნენ.
გარდა ამისა, ხშირ შემთხვევაში უკრაინა კონკრეტულ სამხედრო ტექნიკას მაღალი ფასნამატით ყიდულობდა. შემდეგ აღმოჩნდებოდა, რომ ის უვარგისი იყო. მაღალი მოთხოვნისა და საომარი ვითარების პირობებში ასეთმა შეცდომებმა დიდი ფინანსური დანაკარგები გამოიწვია.
გამოცემის სტატიაში აღნიშნულია, რომ უკრაინის მცდელობა შუამავლებისა და საეჭვო კომპანიების მეშვეობით იარაღის მიწოდების ჯაჭვი დაელაგებინა, სრულდებოდა იმით, რომ კონტრაქტორები ავანსის მიღების შემდეგ ქრებოდნენ, მიწოდების ვადები ირღვეოდა, ხოლო ხანდახან შეიარაღება გამოუსადეგარი იყო.