სასტუმრო ibis TBILISI AIRPORT- ი 16 მაისს ოფიციალურად გაიხსა. ibis TBILISI AIRPORT -ი არის საქართველოში პირველი ბრენდირებული აეროპორტის სასტუმრო, რომელიც ჩვენი ქვეყნის სტუმარმასპინძლობის სექტორის განვითარებაში სერიოზულ წვლილს შეიტანს.
ibis TBILISI AIRPORT -ის მულტიფუნქციური შენობის მშენებლობისთვის მიწა ინვესტორმა კომპანიამ აუქციონის წესით, საქართველოს ეკონომიკისა და მდგრადი განვითარების სამინისტროს ქონების მართვის ეროვნული სააგენტოსგან საინვესტიციო პირობებით შეისყიდა.
სახელმწიფო ვალდებულება შესრულდა და დღეს უკვე დედაქალაქს აეროპორტის მიმდებარე ტერიტორიაზე საერთაშორისო სტანდარტების სასტუმრო აქვს.
პროექტი, ფრანგი ინვესტორის, John Dodelande (ჯონ დოდელანდის) და კომპანია Fujin Silk Properties LLC – ის ინვესტიციით განხორციელდა, პროექტის საინვესტიციო ღირებულება 10 მლნ ევროს შეადგენს. ინვესტიციის ძირითადი წილი ფრანგ ინვესტორს ჯონ დოდელანდს ეკუთვნის, პროექტის ფინანსური მხარდაჭერა ნაწილობრივ საქართველოს ბანკმა უზრუნველყო. ibis თბილისის აეროპორტის სასტუმრო მასშტაბური, 39,000 მ² კომპლექსის განვითარების პირველ ეტაპს წარმოადგენს, რომლის მიზანია, აეროპორტის მიმდებარედ ტურისტული, სატრანზიტო და ინფრასტრუქტურული სერვისების გაუმჯობესება.
სასტუმრო ibis TBILISI AIRPORT -ი ACCOR – ის საერთაშორისო ბრენდის ქვეშ ფუნქციონირებს. სასტუმრო უკვე აღიარებულია, როგორც რეგიონში
ერთ-ერთი ყველაზე დახვეწილი ibis დიზაინის სასტუმროდ. ACCOR – ი ევროპის უმსხვილესი ფრანგული მულტინაციონალური კომპანიაა, რომელიც
მსოფლიოს 110 ქვეყანაში 5,584 სასტუმროს, კურორტსა და დასასვენებელ სახლს ფლობს და მართავს.
სასტუმრო ibis TBILISI AIRPORT -ი 1 ოქტომბრიდან უკვე ოპერირებს და დატვირთულობით უსწრებს სასტუმროებს დედაქალაქის ცენტრალურ უბნებში. სასტუმროს გახსნის ოფიციალური ცერემონიალი კი 16 მაიის გაიმართა, რომელსაც მაღალი რანგის ოფიციალური პირები დაესწრნენ.
ღონისძიებაში მონაწილეობა მიიღეს ხელისუფლების, ბიზნეს სექტორის, საერთაშორისო და ადგილობრივი მედიის, ასევე, პროექტის პარტნიორი კომპანიების წარმომადგენლებმა. ღონისძიებაში მონაწილეობდნენ, ასევე, საფრანგეთის ელჩი შერას გასრი, ფრანგული კომპანია ACCOR – ისა და საფრანგეთის სავაჭრო პალატის წარმომადგენლები, ასევე, ცნობილი ფრანგი არქიტექტორი (სასტუმროს არქიტექტურული პროექტის ავტორი)
კლემო ბლანშე. სტუმრებს სიტყვით მიმართა ტურიზმის ეროვნული ადმინისტრაციის ხელმძღვანელმა მაია ომიაძემ და ინვესტორი კომპანიების ხელმძღვანელმა პირებმა
სასტუმროს გახსნის ცერემონიალზე აღინიშნა, რომ ibis TBILISI AIRPORT -ი ქვეყნის ტურისტული პოტენციალის განვითარებას შეუწყობს ხელს, ტურიზმის სტატისტიკის მზარდ დინამიკაში შეიტანს წვლილს და სანიმუშო მაგალითი იქნება
საქართველოში არსებული, მიმზიდველი და კონკურენტუნარიანი საინვესტიციო ბაზრის განვითარებისთვის.
სასტუმრო ibis TBILISI AIRPORT -ი საერთაშორისო სტანდარტებს პასუხობს და მომხმარებლის მოთხოვნებზეა მორგებული. პროექტის მიზანია, ნდობის მოპოვების მიზნით, ვიზიტორებს უმაღლესი ხარისხის სერვისი მიაწოდოს და
აეროპორტის მიმდებარე ტერიტორიაზე შესაბამისი ინფრასტრუქტურა შექმნას, რაც ქვეყანაში ტურიზმის განვითარებისთვის
კიდევ ერთი წინ გადადგმული ნაბიჯი იქნება.
სასტუმრო ibis TBILISI AIRPORT -ში განთავსებულია:
72 კომფორტული ნომერი
ფართო რესტორანი და ბარი
საკონფერენციო და შეხვედრების ოთახები
ფიტნეს დარბაზი და იოგას სტუდია
პროექტის არქიტექტურული კონცეფცია ცნობილმა ფრანგმა არქიტექტორმა კლემო ბლანშემ (Clement Blanchet) შეიმუშავა – იგი რემ კულასის (Rem Koolhaas) ყოფილი პარტნიორია, რომლის პორტფოლიოშიც მრავალი სიმბოლური შენობაა წარმოდგენილი.
