პროკურორის შეურაცხყოფისთვის კოლუმბიის ოლქში მცხოვრები ქალი დააკავეს. ინფორმაციას აშშ-ის გენერალური პროკურორის კოლუმბიის ოლქის ოფისი ავრცელებს.
საუბარია 8 მაისს მომხდარ ინციდენტზე, რომლის დროს მოქალაქემ ემილი გაბრიელა სომერმა აშშ-ის დროებითი ვადით არჩეულ პროკურორს, ედვარდ მარტინს ინტერვიუს დროს შეურაცხყოფა მიაყენა – შეაფურთხა.
სომერის სისხლისსამართლებრივ საქმეს აშშ-ის რაიონული სასამართლო განიხილავს.
სომერს ბრალი წაუყენეს სახელმწიფოს წარმომადგენელზე თავდასხმაში, წინააღმდეგობის გაწევასა და ხელის შეშლაში. საჩივრის შესახებ ინფორმაციას აშშ-ის პროკურორი და კოლუმბიის ოლქის რაიონული სასამართლოს წარმომადგენლები ავრცელებენ.
საჩივრის თანახმად, 2025 წლის 8 მაისს, იმ დროისთვის აშშ-ის დროებითი ვადით არჩეული პროკურორი, ედვარდ მარტინი აშშ-ის პროკურორის ოფისის წინ ინტერვიუს წერდა, რა დროსაც მას ბრალდებული მიუახლოვდა შემდეგი ფრაზით: „შენ ვინ ჯანდაბა ხარ? ედ მარტინი? ამაზრზენი კაცი ხარ“, რის შემდეგაც ბრალდებულმა სახელმწიფოს წარმომადგენელს მხარზე შეაფურთხა. იმავე საღამოს საკუთარ სოციალურ ქსელში ბრალდებულმა გამოაქვეყნა პოსტები, რომელშიც საკუთარ დანაშაულს აღიარებს და მთავრობის წარმომადგენელს სიტყვიერ შეურაცხყოფას აყენებს.
სომერი მიმდინარე წლის 22 მაისს დააკავეს, საქმეს აშშ-ის მარშალთა სამსახური იძიებს.