ოდესის ყოფილი გუბერნატორი და საქართველოს ყოფილი პრეზიდენტი მიხეილ სააკაშვილი, უკრაინული ტელეკომპანია ZIK-ის ეთერში, თავის თოქ-შოუ Наша Україна-ში აცხადებს, რომ უკრაინის პრეზიდენტმა პეტრ პოროშენკომ თავის სამსახურებს, სააკაშვილისთვის მოქალაქეობის ჩამორთმევის მიზნით, მასალების მოძიება დაავალა.
“გასულ კვირას, და ეს მე ზუსტად ვიცი, რადგან არასდროს შემშლია, როცა მსგავსი ამბავი მომიყოლია, უკრაინის პრეზიდენტის ადმინისტრაციაში იყო შეხვედრა და პრეზიდენტმა პოროშენკომ თავის სამსხურებს მისცა დავალება, ჩემთვის და საყვარელიძისთვის უკრაინის მოქალაქეობის ჩამორთმევის მიზნით, მოიძიონ მასალები.
მე ერთ-ერთი მათგანი ვარ უკრაინის იმ ცოტა პოლიტიკოსს შორის, ვისაც მხოლოდ უკრაინის პასპორტი აქვს.
ამას გარდა, იგი საქართველოში ამ ერთადერთი მიზნით, ოფიციალური ვიზიტით, რომ თბილისში მათ მოელაპარაკოს, იქნებ რაიმე ყალბი დოკუმენტი მომზადდეს, რომლის საშუალებითაც შეძლებს მოქალაქეობის ჩამორთმევას.
ბატონო პრეზიდენტო, მე ეს ყველაფერი ვიცი და მინდა გითხრათ, რომ არაა საჭირო ამ მინიშნებების გამოგზავნა, რაც არ უნდა გააკეთოთ, არ შევწყვეტ სიმართლის ლაპარაკს”, – აღნიშნავს სააკაშვილი.