“ფილტრიან და უფილტრო სიგარეტებზე, პაპიროსებზე, სიგარებსა და სიგარილებზე აკრძალულია რაიმე სახის წარწერის დატანება” –
წერია თამბაქოს კონტროლის შესახებ კანონპროექტში, ეს კი ნიშნავს, რომ შეფუთვის გარეშე, ვეღარ მიხვდებით თუ რა ბრენდის სიგარეტს ეწევით.
გუგული მაღრაძის კანონპროექტი სრულად ცვლის თამბაქოს ნაწარმის შეფუთვის წესებსაც. მნიშვნელოვნად გაიზრდება შეფუთვაზე ჯანმრთელობის გაფრთხილების ზომა და ყველა ბრენდის სიგარეტი ერთნაირი, სტანდარტიზებული შეფუთვით გაიყიდება. კანონპროექტის ძალაში შესვლის შემთხვევაში მომხმარებელს ერთი ბრენდის სიგარეტის მეორესგან გარჩევა მნიშვნელოვნად გაურთულდება. ბიზნესი ცვლილებას კატეგორიულად ეწინააღმდეგება.
საერთაშორისო სავაჭრო პალატამ და ორგანიზაცია ორგანიზაციამ ბიზნესი კონტრაფაქციისა და საავტორო უფლებების დარღვევის წინააღმდეგ დღეს აღნიშნულ ცვლილებასთან დაკავშირებით განცხადება გაავრცელეს. მათი შეფასებით, ცვლილება ინტელექტუალური საკუთრების ჩამორთმევის ტოლფასია და ის ქვეყანაში კონტრაბანდული თამბაქოს მოხმარებას გაზრდის.