„სახელმწიფოსგან სავალდებულო, აუცილებელი და სასიცოცხლოდ მნიშვნელოვანი იყო, რომ საზღვარგარეთ მცხოვრებ ქართველ ბავშვებზე ეზრუნა და სწორედ ეს გააკეთა ჩვენმა ქვეყანამ“- განაცხადა პარტია „ხალხის ძალის“ წევრმა თამარ ჩიბურდანიძემ და აღნიშნა, რომ საზღვარგარეთ მცხოვრები ქართველი ბავშვებისთვის სახელმწიფო უცხო ქვეყნებში საკვირაო სკოლებს წიგნებითა და სხვა საჭირო ინვენტარით ამარაგებს. ექსპერტმა ასევე ონლაინ სკოლაზეც ისაუბრა, რომელიც ყველა უცხო ქვეყანაში მოქმედებს და ბავშვებს ქართული ენის, ისტორიისა და კულტურის შესწავლის შესაძლებლობა აქვთ. ანალიტიკოსის თქმით, სახელმწიფო ზრუნავს, რომ უცხოეთში მცხოვრებ ქართველ ბავშვებში არ დაიკარგოს ქართული იდენტობა.
„ბავშვები, რომლებიც უცხოეთში იბადებიან, ქართულად ვერ მეტყველებენ. წარმოიდგინეთ, ხშირ შემთხვევაში ქართველების ოჯახში დაბადებულები, ქართველი მშობლების, რომლებიც წლები უცხოეთში ცხოვრობენ, შვილები იბადებიან და იზრდებიან უცხოეთში და ქართულად ვერ მეტყველებენ, არ იციან საქართველოს ისტორია, ქართული კულტურა, არ აქვთ კავშირი საქართველოსთან. პირველ რიგში, სახელმწიფოსგან სავალდებულო, აუცილებელი და სასიცოცხლოდ მნიშვნელოვანი იყო, რომ ამ ბავშვებზე ეზრუნა და სწორედ ეს გააკეთა ჩვენმა ქვეყანამ. სხვადასხვა ქვეყნებში არსებობს საკვირაო სკოლები, არის ონლაინ კურსები, რომლებსაც უკლებლივ ყველა ქვეყანასთან აქვთ კავშირი და ყველა მოქალაქეს შეუძლია ონლაინ დაესწროს ქართულის გაკვეთილებს. ჰყავთ ძალიან კარგი ქართული ენის პედაგოგები, ასწავლიან ქართულს, საქართველოს ისტორიას. საკვირაო სკოლებს სახელმწიფო უგზავნის წიგნებს და უამრავ მასალას. სახელმწიფო ზრუნავს იმაზე, რომ უცხოეთში მცხოვრები ქართველები გაიზარდონ ქართველებად. სახელმწიფო ცდილობს საზღვარგარეთ ჩამოყალიბდეს ქართული საკვირაო სკოლები, ანსამბლები. ძალიან ბევრ ქვეყანაში არაჩვეულებრივი ანსამბლია ქართული ცეკვისა და სიმღერის, სადაც ბავშვი ქართულ სულს ეზიარება და ქართულად იზრდება. ამისთვის გამოყოფს სახელმწიფო გრანტებს. ჯერ-ჯერობით ამ კუთხით მუშაობს სახელმწიფო, რომ საზღვარგარეთ მცხოვრები ჩვენი დიასპორის ბავშვებში მოხდეს ქართული იდენტობის შენარჩუნება,“- განაცხადა თამარ ჩიბურდანიძემ.