მამა პეტრე კვარაცხელია რამდენიმე დღის წინ, სოციალურ ქსელში გავრცელებულ ვიდეოს ეხმიანება, რომელშიც ევროვიზიის მონაწილე თამარ გაჩეჩილაძე სცენაზე გასვლის წინ ლოცულობს.
“ლოცვა არასდროს ყოფილა დასაცინი. ახლა ,,ამასაც” მივადექით… დარწმუნებული ვარ, თამარი საკუთარ წარმატებაზე მეტად, ერის წარმატებაზე იბრძოდა… მსგავსი ტიპის პოლიტიზირებული, ე.წ. მუსიკალური კონკურსები, ყოველთვის არის ობიექტურობას მოკლებული… მონაწილე ამ შემთქვევაში ჩემთვის საქართველოა, მოქილიკეები კი ვაი ქართველები… განსაკუთრებით მათი გამკვირვებია, ვინც პიროვნების თავისუფლებას და ჰუმანიზმს გაჰკივის.
აი, აქ ჩანს მათი ფსევდოდემოკრატია… რატომ უშლით სხვას სარწმუნოებას, ლოცვას, ქრისტიანობას… მესმის კონკურსანტის… ეს ერთგვარი ბრძოლა იყო… ბრძოლის, საქმის წინ კი ლოცულობენ… ყოჩაღ თამარს, სწორედ ასეთ ფორმაში გაახსენდა ღმერთი და ადიდა… მონაზვნის ფორმაში, ისედაც უნდა გახსოვდეს…
ის გამარჯვებულია, ყველა ჩვენგანი დამარცხებული… დროა, ყველამ საკუთარი სულის ტყე გაკაფოს და სიღრმეებში მეტი სინათლე შეუშვას.”- წერს პეტრე კვარაცხელია.