ისრაელის სამხედრო-საჰაერო ძალებმა გუშინ ირანზე განხორციელებული თავდასხმის დროს ცხრა ირანელი მეცნიერი მოკლა, რომლებიც ირანის ბირთვული პროგრამის განვითარებაში მონაწილეობდნენ. ინფორმაციას ისრაელის თავდაცვის არმია („ცაჰალი“) „ტელეგრამის“ საკუთარ არხზე ავრცელებს.
„ყველა ლიკვიდირებული მეცნიერი და ექსპერტი ირანულ ბირთვულ პროექტში ცოდნის მნიშვნელოვანი წყარო იყო, და მათ ბირთვული იარაღის შექმნის სფეროში ათწლეულების მანძილზე დაგროვილი გამოცდილება ჰქონდათ“, – წერს „ცაჰალი“.
ისრაელის თავდაცვის არმიის განცხადებით, ლიკვიდირებულები არიან: ექსპერტი ბირთვულ საკითხებში, ფერეიდუნ აბასი, ფიზიკოსი, მოჰამად მაჰდი თეირანში, ექსპერტი ქიმიის საკითხებში, აკბარ მოტალები ზადე, ექსპერტი მატერიის საკითხებში, საედ ბარჯი, ფიზიკოსი, ამირ ჰასან ფახაჰი, ექსპერტი რეაქტორის სფეროში, აბდ ალ-ჰამიდ მინუშეჰრი, ფიზიკოსი, მანსურ ასგარი, ექსპერტი ბირთვულ საკითხებში, აჰმად რეზა ზოლფაგარი დარიანი და მექანიკოსი, ალი ბახუე კატირიმი.