პარლამენტში შექმნილი დროებითი საგამოძიებო კომისია მუშაობას დღეს განაახლებს. სხდომაზე განსახილველი საკითხია 2009 წლის 15 ივნისის მშვიდობიანი აქციის დარბევისას, ადამიანის უფლებების შელახვის ფაქტები.
სხდომაზე მოწვეულნი არიან თბილისის საკრებულოს თავმჯდომარე ზურაბ აბაშიძე, ასევე დაჩი ცაგურია და მერაბ ჭიქაშვილი.
„ჩვენ გამოვკითხავთ ადამიანებს, რომლებიც არიან იმის მოწმეები, თუ როგორ დაარბიეს მშვიდობიანი აქცია. ეს არის „ნაციონალური მოძრაობის“ ხელწერა – აქციების დარბევა, ცემა, მერე ციხეში ჩასმა, წამება და ა.შ. . სამწუხაროდ, მასშტაბები არის ძალიან დიდი და არ ილევა იმ ადამიანების რიცხვი, რომლებიც მოდიან კომისიაზე და იმ უბედურებებს ჰყვებიან. დარწმუნებული ვარ, საგამოძიებო კომისიის დასკვნა იქნება ისეთი, რომ კითხვის ნიშანი აღარ დარჩება იმასთან დაკავშირებით, რომ „ნაცმოძრაობა“, როგორც რეჟიმი უნდა გაუქმდეს“, – განაცხადა „ხალხის ძალის“ აღმასრულებელმა მდივანმა გურამ მაჭარაშვილმა.