წალენჯიხის მუნიციპალიტეტის გამგებლის მოადგილე გიორგი ლუკავა ავარიაში მოყვა, რა დროსაც ერთი ადამიანი გარდაიცვალა, თავად გამგებლის მოადგილე კი ჰოსპიტალიზებულია.
გიორგი ლუკავას ავტოავარია ჩხოროწყუს მუნიციპალიტეტის სოფელ ხაბუმეში შეემთხვა. მანქანა, რომელსაც ლუკავა მართავდა და საპირისპირო მხარეს მოძრავი ავტომობილი ერთმანეთს შეეჯახნენ, რა დროსაც სწორედ მეორე ავტომობილში მჯდომი მამაკაცი გარდაიცვალა.
შსს-ში განმარტავენ, რომ გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
კომენტარები