“იმდენად აგრესიული იყო, თვალები იმდენად ანთებული ჰქონდა, რომ ნამდვილად არ იყო მხოლოდ ალკოჰოლური თრობის ქვეშ”, – ამის შესახებ გადაცემა P.S-ში სახელმწიფო აუდიტის სამსახურის უფროსი ლაშა თორდია ყოფილი პროკურორის, ოთარ ფარცხალაძის შესახებ აცხადებს. თორდიას განმარტებით, “ელ ცენტროში” იგი ფარცხალაძემ და 10-მა ადამიანმა სცემა.
“იმდენად აგრესიული იყო, თვალები იმდენად ანთებული ჰქონდა, რომ ნამდვილად არ იყო მხოლოდ ალკოჰოლური თრობის ქვეშ. გასაგებია, რომ მე მაბრალებს, რომ პათოლოგი ვარ და მივვარდი 5 ადამიანს. მე კოქტეილს ვსვამდი და ნახევარი ჭიქაც არ მქონდა დალეული. ეს ხომ სრული სისულელეა. გოგოსთან ერთად მივდიოდი ბარისკენ ერთი და ათმა ადამიანმა მცემა. პროკურატურას მოვუწოდებ, რომ დროულად გააკეთოს ეს ყველაფერი. იქ კამერები იყო. დამალავენ, რაც მოხდა “ელ ცენტროში” და დამაბრალებენ, რომ რევანში განვახორციელე. თან ამასთანავე, თურმე ვცდები კომპეტენციებს და კერძო ბიზნესმენს ვედავები რაღაცებს.
“ელ ცენტროს” დაცვა ჩაერია, გაიყვანა და შემდეგ გაიქცნენ იქიდან. დაცვამ გადამარჩინა, თორემ გამეტებით მიტყამდნენ. მისი კერძო ქონება მთლიანად წარმოქმნილია მერიის მიერ განხორციელებული შესაბამისი გადაწყვეტილების შესაბამისად. არც ერთი გოჯი მიწა მისი არ არის და ეს ყველაფერი შექმნილი აქვს იმის გამო, რომ მას ეს გაუკეთეს. საჯაროდ გამოვიტან და დარწმუნდებით. საჯარო მოხელე ვარ. ერთი ბინა ვიყიდე და იმის სესხი უნდა ვიხადო 10 წელი. ეს ადამანი წავიდაპროკურორობიდან, უცბად ამდენი ქონება აქვს და მე, პათოლოგი თორდია დავსდევ ბარდაბარ და ვცემ”, – განაცხადა თორდიამ.