აშშ-ის სახელმწიფო დეპარტამენტის ორშაბათს შეტანილი მემორანდუმის თანახმად, პრეზიდენტ დონალდ ტრამპის ადმინისტრაციამ გააუქმა „ალ-ნუსრას ფრონტის“, იგივე „ჰაიათ თაჰრირ ალ-შამის“, უცხოური ტერორისტული ორგანიზაციის სტატუსი. ინფორმაციას ამის შესახებ სააგენტო Reuters-ი ავრცელებს.
23 ივნისით დათარიღებული მემორანდუმი ხელმოწერილი იყო აშშ-ის სახელმწიფო მდივნის, მარკო რუბიოს მიერ და გამოქვეყნდა ფედერალური რეესტრის წინასწარ ვერსიაში, სამშაბათს ოფიციალურ გამოქვეყნებამდე.
ეს ნაბიჯი ტრამპის მიერ სირიისთვის აშშ-ის სანქციების პროგრამის გაუქმების შესახებ აღმასრულებელი ბრძანების ხელმოწერიდან ერთი კვირის შემდეგ გადაიდგა და ეფუძნება ვაშინგტონის დაპირებას, დაეხმაროს სირიას დამანგრეველი სამოქალაქო ომის შემდეგ აღდგენაში.
„გენერალურ პროკურორთან და ხაზინის მდივანთან კონსულტაციის შემდეგ, მე ამით ვაუქმებ „ალ-ნუსრას ფრონტის“, იგივე „ჰაიათ თაჰრირ ალ-შამის“ უცხოურ ტერორისტულ ორგანიზაციად გამოცხადების გადაწყვეტილებას“, – წერს რუბიო მემორანდუმში.