გერმანიის კანცლერმა, ფრიდრიხ მერცმა დონალდ ტრამპთან უკრაინისთვის Patriot-ის სისტემებისა და რაკეტების მეტი რაოდენობით მიწოდების საკითხი განიხილა, თუმცა საბოლოო გადაწყვეტილება ჯერ მიღებული არ არის.
მერცის თქმით, ის „მჭიდრო კონტაქტშია ამერიკის მთავრობასთან, პრეზიდენტ ტრამპთან“ Patriot-ის სისტემების შეძენისა და უკრაინაში გაგზავნის გეგმებთან დაკავშირებით.
მან ასევე აღნიშნა უკრაინის საჰაერო თავდაცვის გაძლიერების აუცილებლობა „რუსეთის მიმდინარე თავდასხმების ფონზე“.
„ამერიკელებს თავად სჭირდებათ მათი ნაწილი [Patriot-ის სისტემები], მაგრამ მათ ბევრი აქვთ. ჯერ საბოლოოდ არ არის გადაწყვეტილი, განხორციელდება თუ არა მიწოდება“, – დასძინა გერმანიის კანცლერმა.
კომენტარები