ფინანსთა სამინისტროს საგამოძიებო სამსახურმა, რამდენიმე კომპანიაში ე.წ. ქოლ-ცენტრების საქმეზე საგამოძიებო მოქმედებები ჩაატარა.
ინფორმაცია ამის შესახებ, “რუსთავი 2-ს” ფინანსთა სამინისტროს საგამოძიებო სამსახურში დაუდასტურეს.
“გიდასტურებთ, რომ ფინანსთა სამინისტროს საგამოძიებო სამსახური თანამშრომლების მიერ, რამდენიმე კომპანიაში ე.წ. ქოლ-ცენტრების საქმეზე მიმდინარეობდა ოპერატიული და საგამოძიებო მოქმედებები,” – აცხადებენ საგამოძიებო სამსახურის საზოგადოებასთან ურთიერთობის სამმართველოში.
ასევე, კითხვაზე, ჩატარდა თუ არა აღნიშნული საგამოძიებო ქმედებები კონკრეტულად ბიზნესმენ ლაშა პაპაშვილის ბიზნესცენტრში, საგამოძიებო სამსახურის საზოგადოებასთან ურთიერთობის სამმართველოში აცხადებენ, რომ “რამდენადაც ცნობილია, თავად პაპაშვილს არცერთი კომპანია არ ეკუთვნის”.
კომენტარები